|
|
 |
अहिलेकी ब्यस्त नायिका हुन् केकी अधिकारी । म्युजिक भिडियोमा काम गर्दा गर्दै चलचित्रमा प्रवेश गरेकी केकीले ‘मसान’मा गरेको उत्कृष्ट अभिनय अहिले पनि चर्चाको विषय बन्ने गरेको छ । उनका बुबा बद्री अधिकारी आफैंमा कुशल निर्देशक हुन् ।
उनको बुबाले बनाएको सिरियल ‘अबिरल बग्दछ ईन्द्राबति’ निकै चर्चित थियो । यी प्रतिभाशाली नायिकाले अनलाइनखबरसँग आफ्नो जीबनको केही गोप्यता भंग गरेकी छिन् । प्रस्तुत छ केकीका पाँच गोप्य कुरा उनकै शब्दमा :
मलाई अचारको किरा भनेपनि हुन्छ । असाध्यै धेरै अचार खान्छु । आमाले सँधै भन्नुहुन्छ अचार धेरै नखानु । प्रत्येक गाँसमा अचार चाहिन्छ मलाई । टिमुर हालेर पिंधेको गोलभेडाको अचार एकदमै मन पर्छ । मेरै कारण मेरो घरमा गोलभेडाको खपत बढी हुन्छ ।
ब्ल्याङ्केट नओढी निन्द्र लाग्दैन
मौसम जतिसुकै गर्मीर् होस्, ब्ल्याङ्केट नओढी सुत्न सक्दिन । निकै गर्मी ठाउँमा पुगेपनि मलाई सुत्ने बेलामा ब्ल्याङ्केट नभई हुन्न ।
गौरी पढेर धेरै रोएँ
राष्ट्रकवि माधब घिमिरेको गौरी सबै भन्दा धेरै पढेको छु र निकै रोएकी छु । अहिले पनि गौरी पढ्न मन लाग्छ । नेपाली साहित्यमा गौरीको छुट्टै महत्व छ ।
चलचित्र हेर्दा र बुक पढेर आँशु झार्दा मलाई लाज लाग्दैन । धेरै चलचित्र हेरेर रोएकी छु । तीन दिनसम्म पनि लगातार पढेर रमाइलो गर्न सक्ने मान्छे हो म तर, बैशाख १२ गते आएको विनाशकारी भुकम्पछि मैले एक च्याप्टर पनि पढेको छैन । किताब पढ्नका लागि पनि लेख्न जस्तै माहौल चाहिन्छ त्यो माहोल अझै पाउन सकेको छैन ।
‘फष्टलभ’ छुट्यो
टाईम म्यानेज गर्न नसक्दा चलचित्र ‘फष्टलभ’मा काम गर्न पाईन । पछि फष्टलभ हिट भयो । मैले काम गरेको चलचित्र ठिकै चल्यो । आफ्नो चलचित्र कम चलेको भन्दा पनि ‘फष्टलभ’ धेरै चलेकोमा खुसी लाग्यो किनकी पहिलो प्रस्ताब मलाई नै आएको थियो ।
इलाभेन मिनेट चोरेँ
‘इलाभेन मिनेट’ भन्ने पुस्तक एकै बसाईमा पढीसकें । त्यो किताब प्राईम कलेजको लाईब्रेरीवाट चोरेर ल्याएको थिए । एक दिन गएर फिर्ता गर्ने सोचमा छु ।
म तीन चार जनासाथीहरुलाई मात्रै किताब दिन्छु । जसले मलाई फिर्ता गरेनन् भने पनि खोसेर ल्याउन सक्छु ।
पुस्तक मेलामा जाँदा प्रसस्त किताब किन्छु । तर, आमालाई देखाउदिन । किताब किनेकै कारण आमाले बालाई किचकिच गरेको देखेकी छु । मैले किताब किनेको कुरा आमालाई सकेसम्म थाह नहोस् भन्ठान्छु ।
|
|
|
| Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal. Thank You |
