|
|
 |
५ असोज, सिन्धुपाल्चोक । सिन्धुपाल्चोकको ठोकरपा प्रहरी चौकीमा प्रहरी जवानले चलाएको गोली लागि अर्का एक जवानको मृत्यु भएको छ । सोमबार राति ड्यूटीमा रहेका प्रहरी जवानले गोली चलाउँदा अर्का जवानको मृत्यु भएको हो ।
ड्यूटीमा रहेका जवान अशोक बरालले प्रहार गरेको गोली लागि प्रहरी जवान रेशमबहादुर थापाको मृत्यु भएको डीएसपी विश्व अधिकारीले अनलाइनखबरलाई जानकारी दिए ।
अधिकारीले भने-‘राति नौ बजेर ५० मीनेट जाँदाको घटना हो । बरालले गोली चलाएको देखियो, रेशमको घटनास्थलमै मृत्यु भएको छ ।’ उक्त घटनापछि जवान बराल राइफल छाडेर फरार रहेको डीएसपी अधिकारीले बताए ।
घटनाको कारण खुल्न नसकेको भन्दै अधिकारीले भने-‘के कारणले घटना घट्यो अनुसन्धान जारी छ । उनीहरुबीच हिजो अस्ति तिर पनि केही विवाद भएको हामीले पाएका छैनौं । फरार अभियुक्तको खोजी जारी रहेको छ । चाँडै कारण खुल्ला ।’
रेशम र अशोक प्रहरी चौकी ठोकरपामा एकै समय ड्यूटीमा रहेका थिए ।
घटनाको अनुसन्धान गर्न बेग्लै टोली तयार पारेर खटाइएको उनले बताए ।
|
|
|
| Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal. Thank You |
