|
|
 |
बाग्लुंग, १५ पुस । बुटवलमा मंगलबारबाट सुरु भएको स्व. किरण गुरुङ्ग स्मृति तेस्रो पश्चिमाञ्चल क्षेत्रिय पुरुष भलिबल प्रतियोगिता अन्तर्गत बुधबार तीन खेल सम्पन्न भएका छन् ।
बुटवलमा जारी लुम्बिनी एक्स्पो २०१५, अन्तर्राष्ट्रिय व्यापार मेला २०७२ मा आयोजना गरिएको प्रतियोगिता आज (बुधबार) पाल्पा, बाग्लुङग र म्याग्दी विजयी भएका हुन ।
लिग चरणमा सम्पन्न खेलमा पाल्पाले कपिलबस्तुलाई ३–० को सोझो सेटले हरायो । त्यस्तै दोस्रो खेलमा अर्घाखाँचीलाई ३–० ले हराउँदै बाग्लुङ विजयी भयो । लगातार दुई खेलमा पराजित भएको अर्घाखाँची प्रतियोगिता बाट बाहिरिएको छ । त्यस्तै बुधबार भएको अन्तिम खेलमा ३–१ को सेटले कपिलबस्तुलाई हराउँदै म्याग्दी लिग चरणको पहिलो खेलमा विजयी भएको छ । दुई खेलमा पराजित भएको कपिलबस्तु पनि प्रतियोगिताबाट बाहिरिएको छ ।
प्रतियोगितामा बहिरिएका दुई जिल्ला अर्घाखाँची र कपिलबस्तुलाई मणिमुकुन्द भलिवल क्लवका अध्यक्ष मिलन राना र रुपन्देही व्यापार संघका महासचिव डिल्लीराज भण्डारीले नगद १०, १० हजार प्रदान गरी विदाई गरे ।
प्रतियोगितामा विहिबार पनि ३ खेल सम्पन्न हुनेछन् । पहिलो खेल गुल्मी र बाग्लुङका बीच हुनेछ । त्यस्तै दोस्रो खेल पाल्पा र म्याग्दीका बीच हुने आयोजकले जनाएको छ । अन्तिम खेल दुई खेलको नजिता पछि तय हुनेछ । प्रतियोगितामा गुल्मी, स्याङजा, पर्वत, पाल्पा, अर्घाखाँची, गोर्खा, नवलपरासी, रुपन्देही, म्याग्दी, बाग्लुङग र कपिलबस्तु गरी ११ टिमको सहभागिता रहेको छ ।
प्रतियोगितामा विजयी टिमले नगद ६० हजारसहित कप मेडल र प्रमाणपत्र प्राप्त गर्नेछ । त्यस्तै उपविजेता टिमले नगद ४० हजार सहित कप मेडल र प्रमाणपत्र प्राप्त गर्नेछ भने तृतिय टिमले नगद २० हजार सहित कप मेडल र प्रमाणपत्र प्राप्त गर्नेछ । प्रतियोगितामा सान्त्वना हुने टिमले नगद १० हजार प्राप्त गर्नेछ । प्रतियोगितामा उत्कृष्ट खेल प्रदर्शन गर्ने खेलाडीहरुलाई समेत सम्मान गरिनेछ ।
|
|
|
| Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal. Thank You |
